اذا كُنتي من محبي التجديد بالأكل فهذه اكلة لذيذة وهتستمتعي بها انتي وعائلتك ، بالخطوات المصورة .
خلينا نبلش بالوصفة وطريقتها بالخطوات والصور ، صدور دجاج صحن واحد ، وانتظري عليه يفك وحطيه بمية سخنة عشان يذوب الثلج اذا كُنتي مستعجله ، وبعدها حطيها بتتبيله عبارة عن " عصير ليمون وفص ثوم وزنجبيل مبشور وملح وشوية بهارات كاري وبهارات ايطاليه .
البهارات الموجودة عندك حطيها مش شرط بهارات معينة ومع تعودك على الطبخ راح تعرفي المقادير بنظرك بدون الحاجة لقياسها بالفنجان او معلقة ، وان شاء الله الصور القادمة توضح كمية البهارات المستخدمة .
اتركيهم قرابة اربعة ساعات يتبلو وبعدها انقعي كاسه ونص رز وبشري حبة كبيرة جزر ، وحبة فلفل رومي شرايح ، وحبة بصل شرايح ، وحطيهم على جنب وابدي بسلطة السيزر ، وجهزي الصوص الخاص بها وحطيه في الثلاجة .
وبإمكانك تحطي عليه علبة زبادي وقرابة فنجان شاي لبن ومعلقتين او ثلاثة خردل وملح وثوم وملعقة مايونيز .
وقطعت خس وغسليه وقطعتيه وحطيه بالثلاجة ،
وبعدها صدر الدجاج وتبليه ملح وفلفل وكمون وحطيه بالثلاجة
وبعدها روحي شوفي شغل البيت خلصيه لحتى يصير كل شي جاهز وابدأ الطبخ ، حطي المية على النار وفيها زيت وملح وهيل وقرنفل وخليهم حتى يغلوا وتفوح ريحة البهارات اللي فيهم ،
وصبي عليهم الرز المنقوع والمغسول
بإمكانكم ملاحظة كمية المية المستخدمة مع الرز وكيف بيصير .
في هذه الخطوة وطوا الغاز بالعكس حتى تطبخي على درجة حرارة واطيه كثير وغطي القدر وهذه الطريقة هي السر وراء نجاح الرز المفلفل اللي كل حبة فيه لحال وعلى ما يقولوا حبه واقفه ، وطبعاً قبل ما يستوي الرز طفي عليه لان الحرارة بتخليه يستوي زيادة . وعلى ما ينطبخ الرز روحي ساوي الخضار ، كشري البصل وحطي مكعب ماجي لين يذوب وبعدين الفلفل الرومي وبعدها الجزر ، وملحيهم وحطي قرابة فنجان شاي مويه وغطيهم عليهم وخفضي النار ،
وابدأ بالسلطة ، وحمري الدجاج وقطعيهم وحطيهم في الطاسه مع الخس وصبي عليهم الصوص ،
ما في صور لهذه الخطوات ، واخر شي اطبخي صدور الدجاج المتبله وحطيهم بصاج غير قابل للصق .
وصبي شوية زيت وخليه يحمى وحطي الصدور وخفضي النار وغطيهم عليه يستو على مهل ولما تحمر اللى اسفل قلبيهم عشان يحمر الجهة التانية .
لما يحمرو طليعهم وحطيهم بحافظة وغطيها عشان تحافظ على سخونتها وخدي قطعة صغيرة زبدة وحطيها على بقايا الدجاج بالصاج حتى يذوب وحطي ما يقارب نص كاس كريمة طبخ وملح وكمون وشووووووية صويا ، زاكية مع الكريمة .. وقلبيهم عشان طعم الدجاج والتتبيله تمسك في الكريمه واذا ثقلت طفي النار .
وخلاص هيك جهزت ،
بالنسبة للخضار اذا نشف من المية طفي وحطيه على الرز وقلبيه كويس عشان ياخد الطعم
هذا هو صوص الكريمة اللذيذ
وقدميه بالعافية وباذن الله طعمه هيرضي الجميع ويتمتعوا فيه .
الابتساماتEmoticon